【DSE海外升學｜加拿大大學申請流程及時間表】
DSE考生打算DSE考試後去加拿大升學，入讀加拿大大學要做一系列事前準備，以下簡單講講，加拿大大學申請流程係點，加拿大大學申請時間表，入讀加拿大大學所需文件，加拿大大學申請結果公布時間！
如果我打算考完DSE去加拿大升學讀書，我要幾時開始準備？
如果你有意入讀加拿大嘅大學，同學及家長就需要由中五暑假開始安排，因為一般加拿大大學嘅本科報名截止日期係每年1-2月左右，換句話講，要入讀加拿大大學，比入讀英國澳洲大學都要更早開始準備。
《加拿大大學申請時間表》
• 加拿大大學開學時間：大約每年9月
• 開始準備時間：中五暑假 （7-8月）
• 加拿大大學申請截止時間：每年1月至2月
• 加拿大大學開學時間：大約每年9月
• 開始準備時間：中五暑假 （7-8月）
• 加拿大大學申請截止時間：每年1月至2月
(Photo Credit: Jason Hafso - Unplash)
DSE學生加拿大大學申請流程係點？
同美國、英國唔一樣，報讀加拿大嘅大學係由各省嘅教育部自行辦理入學申請，但同學都可以透過中央申請服務處（如果同學想入讀嘅係位於哥倫比亞省或安大略省嘅大學）遞交多所院校的申請，其他省份就要向個別院校直接遞交啦！
以安大略省（Ontario）為例，如果同學想申請多倫多大學（University of Toronto）或滑鐵盧大學（University of Waterloo），就可以透過Ontario University Application Centre提出申請。除左中學及公開試上必須取得良好成績外，TOEFL或IELTS的成績亦需要符合大學的要求，校方才會作出考慮和審核。一般12月至2月期間需要提交個人陳述Personal Statement，同準備加拿大大學面試interview，直到4月左右就會收到conditional offer架啦！
加拿大大學申請流程
1) 向中央申請服務處 / 個別加拿大大學 提出申請
2) 大學驗證您是否符合大學的一般入學要求
3) 大學驗證您是否符合大學的學科要求
4) 大學評估您最近兩年學習的結果
5) 大學入學面試
6) 公布加拿大大學有條件取錄結果
7) 遞交DSE成績滿足加拿大大學有條件取錄
8) 加拿大大學正式取錄確認
DSE學生要申請加拿大大學，有咩文件需要準備？
申請加拿大大學所需資料 / 文件包括 (但不限於)：
- 中學校内成績
- 英文能力水平測試 TOFEL / IELTS 成績
- DSE預計分數 (DSE Predicted Grade)
- 1000 - 1500字讀書計畫 (Statement of Purpose) (申請加拿大學生簽證用)
- 個人陳述 Personal Statement （部份大學要求）
- 課外活動、學習經歷、音樂/體育成績等
遞交加拿大大學申請後，幾時會得知大學申請結果？
加拿大大學取錄結果大約每年4月就會收到有條件取錄通知，即係通常會喺DSE同學考DSE期間，DSE同學獲有條件取錄後(Conditional Offer)，就要於DSE放榜後提交自己嘅DSE成績。成功滿足條件後，就會獲得大學正式取錄信 / 文件，同學就可以開始辦理入學手續，成為加拿大大學生！
以上資訊只供參考，以相關機構最新公佈為準，加拿大大學申請比其他熱門升學國家都要繁複，同學家長要留以心儀大學的申請時間、加拿大大學收生要求等細節，以免錯失入學機會，歡迎同學尋找GES升學專家的協助！
😀尋找GES升學專家的協助😀
